बुलंदशहर (उत्तर प्रदेश):
उत्तर प्रदेशातील बुलंदशहरमध्ये सिलिंडरचा स्फोट होऊन पाच जणांचा मृत्यू झाला. स्फोटानंतर संपूर्ण घर जमीनदोस्त झाले. ढिगाऱ्याखाली इतर लोकांचा शोध सुरू आहे. ही घटना बुलंदशहरमधील सिकंदराबाद पोलिस स्टेशन हद्दीतील आशापुरी कॉलनीत घडली.
सिलिंडरच्या स्फोटामुळे घर कोसळल्यानंतर आतापर्यंत ५ जणांचे मृतदेह ढिगाऱ्यातून बाहेर काढण्यात आले आहेत. ढिगाऱ्याखाली अजून काही लोक अडकले असण्याची शक्यता आहे.
जिल्ह्यातील वरिष्ठ अधिकाऱ्यांच्या उपस्थितीत पोलीस कर्मचारी आणि अग्निशमन विभागाचे पथक बचावकार्यात गुंतले आहे.
या घटनेची दखल घेत मुख्यमंत्री योगी आदित्यनाथ यांनी अधिकाऱ्यांना घटनास्थळी पोहोचून शक्य ती मदत करण्याचे निर्देश दिले आहेत.
