उन्हाच्या तडाक्यामुळे जवळा येथे पाणपोईचे लोकार्पण — नागरिकांसाठी दिलासा
आर्णी तालुका प्रतिनिधी गणेश एकंडवार
जवळा, ता. आर्णी, जि. यवतमाळ – सध्या तापलेल्या उन्हाच्या झळांमुळे नागरिकांची त्राही-त्राही होत असताना, जनतेसाठी एक दिलासादायक पाऊल उचलण्यात आले आहे. श्री. गणपती संस्थान, खेड (ता. आर्णी, जि. यवतमाळ) यांच्या वतीने पाणपोई व्यवस्था केली असून तिचे लोकार्पण दिनांक १ मे २०२५ रोजी सकाळी ११ वाजता जवळा येथील पोलीस चौकीजवळ करण्यात येणार आहे.
या उपक्रमाचे उद्घाटन सौ. नीताताई राजेश आडे, अध्यक्ष, श्री. गणपती संस्थान यांच्या हस्ते होणार असून, हा उपक्रम महाराष्ट्र दिन व कामगार दिन या दोन्ही महत्त्वपूर्ण दिनांचे औचित्य साधून आयोजित करण्यात आला आहे.
या पाणपोईमुळे जवळा व परिसरातील नागरिकांना उन्हाळ्यात शुद्ध व थंड पाण्याचा मोठा दिलासा मिळणार आहे. नागरिकांनी या लोकार्पण समारंभास उपस्थित राहून उपक्रमास पाठिंबा द्यावा, असे आवाहन आयोजकांकडून करण्यात आले आहे.
पाणपोईचा लाभ सर्वांनी घ्यावा, ही विनंतीही संस्थेच्या वतीने करण्यात आली आहे.
— श्री. गणपती संस्थान, खेड
ता. आर्णी, जि. यवतमाळ
