आर्णीत मोकाट घोड्याने घेतला युवकाचा बळी !
# लोणीच्या युवकाचा नागपूरात उपचार दरम्यान मॄत्यु
# नगरपरिषद प्रशासना
शहरातील देऊरवाडी परीसरात यवतमाळ मार्गावर मोकाट घोड्याने दुचाकीला दिलेल्या धडकेत गंभीर जखमी झालेल्या युवकाचा नागपूर येथे उपचारा दरम्यान काल १५ आक्टों रोजी सकाळी ९वा.दरम्यान मॄत्यु झाल्याची घटना घडली आहे.दिनेश नागोराव गायकवाड (४०) रा.लोणी असे मुतकाचे नाव आहे.
मुतक दिनेश गायकवाड हे लोणी येथुन आर्णी येथे दुचाकी दुरुस्ती करीता आले होते. या दरम्यान लोणी या त्यांच्या गावी परत जात असताना शहरातील देऊरवाडी परीसरात यवतमाळ मार्गावर मोकाट घोड्याने दुचाकीला धडक दिली. त्यानंतर गंभीर अवस्थेत त्यांना यवतमाळ येथे रुग्णालयात उपचारासाठी दाखल केले मात्र त्यांना पुढील उपचारासाठी नागपूर येथे हलविण्यात आले. उपचारा दरम्यान त्यांची चार दिवसांची झुंज अपयशी ठरली.शेवटी काल सकाळी त्यांचा मृत्यु झाल्याची वार्ता गावामध्ये पसरताच शोककळा पसरली. याबाबत पोलीसात तक्रार करणार असल्याचे कुटुंबीयांनी सांगितले.
